6number

𐴕𐴝𐴥𐴈𐴢 𐴔𐴡𐴊𐴟𐴇𐴟𐴦 𐴖𐴡𐴕𐴟𐴏𐴡𐴓𐴧𐴞 𐴀𐴝𐴓𐴝𐴦 𐴌𐴡𐴏𐴟𐴦𐴓𐴞𐴇𐴞𐴓 𐴑𐴡𐴌𐴞𐴔𐴢 𐴀𐴝𐴔𐴧𐴝 𐴁𐴝𐴦𐴊𐴢 𐴁𐴟𐴎𐴡𐴌𐴒𐴡𐴤  𐴊𐴟𐴐𐴃𐴡𐴤 𐴀𐴡𐴦𐴕𐴝𐴌𐴝  𐴇𐴡𐴀𐴠𐴑𐴧𐴝𐴥𐴕 𐴇𐴡𐴃𐴝𐴤𐴌𐴠 𐴔𐴠𐴀𐴠𐴕𐴧𐴡𐴃𐴢 𐴒𐴡𐴌𐴞  𐴐𐴞𐴤𐴑𐴞𐴤𐴘𐴡𐴌𐴠𐴥 𐴀𐴝𐴔𐴡𐴥𐴓𐴢 𐴒𐴡𐴙𐴓𐴧𐴠𐴤  𐴉𐴟𐴌𐴝𐴦𐴊𐴞𐴕𐴔𐴡𐴎𐴞𐴕 𐴏𐴦𐴡𐴓𐴡𐴕𐴧𐴝𐴥𐴕 𐴀𐴦𐴝𐴏𐴝𐴥𐴕 𐴀𐴝𐴥𐴘𐴁𐴡𐴤𑁉 

𐴱. 𐴑𐴡𐴓𐴔𐴝𐴥 :

𐴱.𐴱 𐴔𐴟𐴑𐴏𐴟𐴊𐴢 :

 𐴑𐴡𐴓𐴔𐴝𐴥𐴌 𐴔𐴡𐴑𐴏𐴟𐴊𐴢 𐴀𐴡𐴙𐴓𐴊𐴠𐴥 𐴇𐴡𐴥𐴕𐴡𐴥 𐴔𐴡𐴈𐴟𐴓𐴟𐴑𐴡𐴃𐴟𐴧 𐴕𐴡𐴀𐴡𐴙𐴊𐴧𐴠 𐴀𐴠𐴑𐴞𐴤𐴕 𐴏𐴡𐴥𐴉𐴢 𐴑𐴠𐴏𐴧𐴟𐴤 𐴀𐴝𐴓𐴧𐴝𐴇𐴌 𐴈𐴡𐴤𐴑𐴟𐴔𐴠 𐴀𐴡𐴙𐴊𐴧𐴠 𐴀𐴠𐴑𐴞𐴤𐴕 𐴊𐴞𐴓𐴡𐴃𐴢 𐴔𐴝𐴎𐴠𐴤 𐴎𐴡𐴔𐴦𐴡𐴕 𐴇𐴡𐴕𐴡𐴥 𐴃𐴡𐴌𐴞𐴑𐴝𐴃𐴢 𐴔𐴝𐴎𐴠𐴤 𐴐𐴝𐴦𐴕𐴃𐴞 𐴀𐴡𐴊𐴡𐴧𐴀𐴡 𐴑𐴝𐴦𐴔𐴞𐴘𐴝𐴁𐴦𐴞 𐴕𐴝𐴥𐴘 𐴇𐴟𐴎𐴟𐴥𐴌 𐴉𐴝𐴑 (𐴏𐴢) 𐴔𐴡𐴌 𐴃𐴡𐴌𐴞𐴑𐴝𐴃𐴔𐴝𐴧𐴎𐴠 𐴑𐴝𐴦𐴔𐴞𐴘𐴝𐴁𐴞 𐴀𐴝𐴏𐴠𐴤𐴊𐴠 𐴀𐴞𐴘𐴝𐴥𐴕  𐴊𐴞𐴓𐴡𐴃𐴢 𐴔𐴝𐴎𐴠𐴤 𐴎𐴡𐴔𐴡𐴦𐴕.

𐴱.𐴲 𐴉𐴡𐴤𐴎𐴞𐴓𐴡𐴃𐴢 :

𐴑𐴡𐴓𐴔𐴝𐴥𐴌 𐴉𐴡𐴎𐴞𐴓𐴡𐴃𐴢 𐴀𐴡𐴙𐴓𐴊𐴠𐴥 𐴈𐴦𐴝𐴣𐴃𐴢 𐴃𐴡𐴂𐴑𐴝𐴤 𐴀𐴝𐴏𐴔𐴥𐴝𐴕 𐴈𐴝𐴦𐴣𐴃𐴢 𐴃𐴡𐴂𐴑𐴤𐴝 𐴎𐴡𐴁𐴞𐴕  𐴉𐴝𐴓𐴊𐴝𐴌 𐴀𐴠𐴑 𐴋𐴞𐴑𐴡𐴃𐴟𐴧 𐴊𐴞𐴓𐴠𐴤 𐴑𐴡𐴓𐴔𐴝𐴥 𐴐𐴡𐴤𐴌𐴞𐴉𐴡𐴌𐴠 𐴀𐴝𐴌 𐴀𐴠𐴑 𐴋𐴝𐴑𐴡𐴃𐴟𐴧 𐴊𐴞𐴓𐴠 𐴑𐴡𐴓𐴔𐴝𐴥 𐴐𐴡𐴤𐴌𐴞𐴉𐴡𐴌  𐴀𐴟𐴎𐴡𐴥𐴕 𐴁𐴝𐴤𐴌𐴞 𐴀𐴡𐴥𐴘𐴁𐴡𐴤 𐴀𐴟𐴔𐴧𐴡𐴃𐴡𐴌 𐴉𐴞𐴥𐴃𐴕𐴝𐴌 𐴎𐴡𐴔𐴝𐴕𐴝𐴃𐴢 𐴔𐴝𐴎𐴠𐴤 𐴇𐴟𐴎𐴟𐴥𐴌𐴉𐴝𐴑(𐴏𐴢)𐴔𐴡𐴌 𐴏𐴟𐴕𐴧𐴡𐴃𐴡𐴌𐴠 𐴎𐴞𐴕𐴊𐴝 𐴒𐴡𐴙𐴓𐴧𐴠𐴤 𐴀𐴠𐴑𐴐𐴡𐴥𐴃𐴢 𐴐𐴡𐴤𐴇𐴞𐴊𐴡𐴌 𐴏𐴟𐴤𐴖𐴝𐴉𐴢 𐴊𐴞𐴁𐴡𐴤.

𐴱.𐴳 𐴈𐴝𐴥𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 :

𐴑𐴡𐴓𐴔𐴥𐴝 𐴈𐴝𐴥𐴏𐴠𐴓 𐴀𐴡𐴕𐴡𐴌 𐴃𐴡𐴌𐴞𐴑𐴝𐴤 𐴀𐴡𐴙𐴓𐴊𐴠𐴥 𐴑𐴡𐴓𐴔𐴝𐴥𐴌𐴠𐴥 𐴕𐴞𐴎𐴠𐴘𐴡𐴥 𐴁𐴠𐴦𐴐𐴢 𐴁𐴦𐴠𐴐𐴢 𐴉𐴦𐴡𐴌𐴡𐴦𐴕 𐴀𐴡𐴙𐴕𐴧𐴡 𐴎𐴡𐴕𐴡𐴘𐴡𐴌𐴠𐴥 𐴘𐴡𐴥 𐴉𐴡𐴌𐴞𐴥 𐴁𐴡𐴓𐴧𐴝 𐴊𐴝𐴦𐴖𐴡𐴃𐴢 𐴊𐴡𐴦𐴕. 𐴇𐴟𐴎𐴟𐴥𐴌𐴉𐴝𐴑 (𐴏𐴢) 𐴔𐴡𐴌 𐴏𐴟𐴕𐴧𐴡𐴃𐴡𐴌𐴠 𐴕𐴞𐴎𐴠𐴘𐴡𐴤 𐴀𐴠𐴃𐴠𐴔𐴝𐴥𐴔 𐴒𐴡𐴌𐴡𐴦𐴕 𐴀𐴡𐴉𐴡𐴌 𐴎𐴡𐴕𐴡𐴌𐴠𐴥 𐴘𐴡𐴥 𐴀𐴠𐴃𐴠𐴔𐴝𐴥𐴔 𐴒𐴡𐴌𐴞𐴁𐴝𐴌  𐴊𐴝𐴦𐴖𐴡𐴃𐴢 𐴊𐴡𐴦𐴕 𐴈𐴝𐴦𐴌 𐴀𐴡𐴑𐴃𐴡𐴥𐴃𐴢 𐴀𐴝𐴓𐴧𐴝𐴇𐴌 𐴃𐴟𐴥𐴕 𐴊𐴟𐴀𐴝 𐴏𐴡𐴀𐴕.

𐴲. 𐴕𐴟𐴔𐴝𐴥𐴎 :

𐴲.𐴱  𐴔𐴡𐴑𐴏𐴟𐴥𐴃𐴢 :

 𐴕𐴟𐴔𐴝𐴎𐴡𐴌 𐴔𐴡𐴑𐴏𐴟𐴊𐴢 𐴀𐴡𐴙𐴓𐴊𐴠𐴥 𐴇𐴟𐴎𐴟𐴥𐴌𐴉𐴝𐴑 (𐴏𐴢) 𐴔𐴠 𐴕𐴟𐴔𐴝𐴤𐴎𐴡𐴌𐴠 𐴎𐴠𐴀𐴠𐴕 𐴒𐴡𐴌𐴞𐴤 𐴉𐴡𐴙𐴅𐴧𐴠 𐴀𐴠𐴦𐴕 𐴒𐴡𐴌𐴤𐴞 𐴀𐴦𐴝𐴣𐴌𐴝𐴘𐴥𐴡  𐴐𐴞𐴤𐴑𐴞𐴘𐴡𐴤𐴌𐴠 𐴉𐴤𐴡𐴌𐴡𐴘𐴧𐴝 𐴁𐴡𐴕𐴡𐴦𐴕.

𐴲.𐴲  𐴉𐴡𐴤𐴎𐴞𐴓𐴡𐴃𐴢 : 

𐴕𐴟𐴔𐴝𐴥𐴎𐴡𐴌 𐴉𐴡𐴤𐴎𐴡𐴓𐴞𐴘𐴡𐴃𐴢 𐴀𐴡𐴙𐴓𐴊𐴠𐴥   𐴉𐴝𐴣𐴏𐴢 𐴀𐴡𐴑𐴃𐴡𐴤 𐴕𐴟𐴔𐴝𐴤𐴎𐴡𐴌𐴠 𐴀𐴡𐴑𐴃𐴡𐴌 𐴖𐴡𐴌𐴠 𐴀𐴝𐴊𐴝𐴘 𐴒𐴡𐴌𐴞𐴤𐴁𐴡𐴓𐴝𐴧  𐴕𐴞𐴘𐴡𐴃𐴢 𐴒𐴡𐴌𐴞𐴥𐴓𐴠 𐴀𐴝𐴓𐴧𐴝𐴇 𐴉𐴝𐴑𐴡𐴌 𐴖𐴦𐴝𐴊𐴝 𐴀𐴝𐴏𐴠𐴤 𐴕𐴞𐴎𐴠 𐴎𐴞𐴔𐴧𐴝𐴥 𐴀𐴡𐴥𐴘 𐴅𐴡𐴕𐴧𐴡𐴃𐴡𐴃𐴢 𐴊𐴞𐴁𐴡𐴤.

 𐴲.𐴳 𐴈𐴝𐴣𐴏𐴠𐴓 𐴀𐴡𐴀𐴡𐴕𐴡𐴌 𐴃𐴡𐴌𐴞𐴑𐴤𐴝 :

𐴕𐴟𐴔𐴝𐴥𐴎𐴢 𐴈𐴝𐴤𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 𐴀𐴡𐴥𐴙𐴓𐴊𐴠 𐴉𐴝𐴣𐴏𐴧𐴝𐴕 𐴏𐴞𐴥𐴐𐴢 𐴏𐴡𐴘𐴧𐴞 𐴒𐴡𐴤𐴌𐴞 𐴉𐴝𐴣𐴐𐴢 𐴀𐴡𐴑𐴃𐴡𐴤 𐴉𐴡𐴌𐴡𐴥𐴏𐴢 𐴕𐴟𐴔𐴝𐴥𐴎𐴡𐴌𐴠 𐴃𐴡𐴑𐴁𐴞𐴌𐴟𐴓𐴧𐴝 𐴁𐴝𐴦 𐴅𐴡𐴔𐴝𐴦𐴃𐴢 𐴓𐴡𐴘 𐴀𐴝𐴊𐴝𐴘 𐴒𐴡𐴌𐴡𐴀𐴕. 𐴀𐴝𐴒𐴡𐴌 𐴉𐴞𐴏𐴡𐴥𐴌 𐴏𐴟𐴕𐴧𐴡𐴃𐴢 𐴀𐴡𐴌  𐴀𐴠𐴦𐴃𐴝𐴔𐴝𐴥𐴔 𐴒𐴡𐴌𐴡𐴀𐴡𐴕. 𐴕𐴡𐴉𐴡𐴥𐴓𐴢 𐴕𐴟𐴔𐴝𐴥𐴎𐴡𐴌𐴠𐴥 𐴁𐴠𐴦𐴐𐴢 𐴁𐴠𐴦𐴐𐴢 𐴉𐴡𐴌𐴡𐴀𐴡𐴕. 𐴀𐴟𐴔𐴡𐴌 𐴑𐴡𐴎𐴝 𐴕𐴟𐴔𐴝𐴤𐴎𐴡𐴌𐴠 𐴀𐴟𐴓𐴟𐴔𐴝𐴥𐴘𐴠 𐴀𐴠𐴑𐴠𐴌𐴝𐴔 𐴀𐴡𐴀𐴓𐴡𐴃𐴟𐴧 𐴊𐴡𐴌𐴞𐴘𐴝𐴥𐴉𐴢 𐴒𐴡𐴌𐴞𐴥 𐴉𐴡𐴌𐴞𐴥 𐴊𐴡𐴦𐴀𐴡𐴕. 

 𐴉𐴝𐴣𐴏𐴧𐴝𐴕 𐴏𐴞𐴥𐴐𐴢 𐴑𐴞𐴁𐴡𐴓𐴞 𐴇𐴡𐴘𐴓𐴠𐴤 .

𐴱. 𐴀𐴠𐴑𐴞𐴕 𐴏𐴡𐴥𐴘𐴧𐴞 

𐴲. 𐴕𐴞𐴘𐴡𐴃𐴢 𐴏𐴡𐴥𐴘𐴧𐴞 

𐴳. 𐴊𐴞𐴘𐴝𐴕 𐴏𐴡𐴥𐴘𐴧𐴞 

𐴴. 𐴅𐴡𐴎𐴁𐴤𐴡 𐴏𐴡𐴥𐴘𐴧𐴞 

𐴵. 𐴃𐴡𐴌𐴞𐴑𐴤𐴝 𐴏𐴡𐴥𐴘𐴧𐴞.

𐴳. 𐴀𐴠𐴓𐴡𐴥𐴔 𐴎𐴞𐴑𐴞𐴌 : 

𐴳.𐴱 𐴔𐴡𐴑𐴏𐴟𐴥𐴃𐴢  :

𐴀𐴠𐴓𐴡𐴥𐴔𐴡𐴌 𐴔𐴡𐴑𐴏𐴟𐴃𐴢 𐴀𐴡𐴙𐴓𐴊𐴠𐴥 𐴀𐴝𐴓𐴧𐴝𐴤𐴌 𐴇𐴡𐴥𐴕 𐴀𐴡𐴑𐴃𐴡𐴤𐴌 𐴇𐴡𐴥𐴕  𐴇𐴡𐴑𐴟𐴤𐴔 𐴇𐴟𐴎𐴟𐴤𐴌 𐴉𐴝𐴑(𐴏𐴢) 𐴔𐴡𐴌 𐴇𐴡𐴥𐴕 𐴃𐴡𐴌𐴞𐴑𐴝𐴥  𐴐𐴞𐴑𐴞𐴡𐴘𐴧𐴝 𐴁𐴡𐴕𐴡𐴦𐴕.

𐴳.𐴲  𐴉𐴡𐴤𐴎𐴞𐴓𐴡𐴃𐴢 :

𐴀𐴠𐴓𐴡𐴥𐴔𐴡𐴌 𐴉𐴡𐴤𐴎𐴞𐴓𐴡𐴃𐴢 𐴀𐴡𐴙𐴓𐴊𐴠𐴥 𐴎𐴠𐴇𐴡𐴕𐴡𐴥 𐴑𐴞𐴘𐴠𐴥 𐴀𐴠𐴑 𐴀𐴝𐴘𐴧𐴝𐴃𐴢 𐴑𐴟𐴌𐴀𐴝𐴕 𐴐𐴡𐴤𐴌𐴞𐴉𐴢 𐴐𐴞𐴤𐴑𐴞𐴁𐴡𐴤 𐴀𐴡𐴃𐴤𐴡𐴁𐴝 𐴐𐴞𐴤𐴑𐴝𐴘𐴁𐴡𐴤 𐴀𐴠𐴑𐴐𐴡𐴥𐴃𐴢 𐴌𐴝𐴑𐴝𐴥𐴃𐴢 𐴕𐴡𐴉𐴡𐴥𐴓 𐴕𐴟𐴔𐴝𐴥𐴎 𐴉𐴡𐴙𐴅𐴧𐴠𐴊𐴠𐴥 𐴀𐴞𐴀𐴝𐴃𐴟𐴧𐴕 𐴀𐴝𐴌𐴡𐴥 𐴀𐴝𐴉𐴎𐴡𐴥𐴓.𐴎𐴠𐴤 𐴇𐴡𐴕𐴡𐴥 𐴑𐴞𐴘𐴧𐴠 𐴀𐴠𐴑 𐴁𐴝𐴦𐴁𐴢 𐴔𐴡𐴏𐴥𐴝𐴀𐴠𐴦𐴓 𐴀𐴠𐴓𐴡𐴥𐴔 𐴐𐴞𐴤𐴑𐴞𐴁𐴡𐴤 𐴀𐴡𐴃𐴤𐴡𐴁𐴝 𐴐𐴞𐴤𐴑𐴝𐴘𐴁𐴡𐴤  𐴇𐴝𐴎𐴝𐴌𐴀𐴡 𐴌𐴝𐴑𐴝𐴃𐴢 𐴕𐴡𐴉𐴡𐴥𐴓 𐴕𐴟𐴔𐴝𐴥𐴎 𐴉𐴡𐴙𐴅𐴧𐴠𐴊𐴠𐴥 𐴘𐴝𐴃𐴧𐴟𐴕 𐴀𐴝𐴌𐴡𐴥 𐴁𐴠𐴈𐴃𐴡𐴌.

𐴳.𐴳  𐴈𐴝𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 :

𐴀𐴠𐴓𐴡𐴔 𐴊𐴟𐴘 𐴑𐴞𐴏𐴞𐴔.𐴀𐴠𐴓𐴡𐴥𐴔 𐴉𐴡𐴎𐴝𐴙𐴓 𐴀𐴠𐴓𐴡𐴥𐴔 𐴔𐴡𐴏𐴝𐴦𐴀𐴠𐴓. 𐴉𐴡𐴎𐴝𐴀𐴦𐴠𐴓 𐴀𐴠𐴓𐴡𐴔𐴡𐴌𐴠𐴥 𐴀𐴝𐴏𐴔𐴡𐴃𐴡𐴌 𐴏𐴝𐴣𐴦𐴃𐴠 𐴉𐴟𐴕𐴡𐴦𐴕 𐴔𐴡𐴏𐴝𐴦𐴀𐴠𐴓 𐴀𐴠𐴓𐴡𐴔𐴡𐴌𐴠𐴥 𐴇𐴡𐴑𐴧𐴝𐴕𐴞 𐴀𐴟𐴓𐴟𐴔𐴝𐴥 𐴀𐴠𐴑𐴠𐴌𐴝𐴔 𐴀𐴡𐴑𐴡𐴧𐴓𐴡𐴃𐴧𐴟 𐴊𐴡𐴌𐴞𐴘𐴝𐴉𐴢 𐴒𐴡𐴌𐴞𐴥 𐴎𐴞𐴕𐴊𐴞𐴒𐴞𐴌𐴠𐴥 𐴄𐴞𐴒𐴧𐴡𐴌𐴡𐴀𐴡𐴕.

  𐴀𐴠𐴓𐴡𐴥𐴔𐴡𐴌 𐴏𐴝𐴥𐴣𐴃𐴠 𐴎𐴞𐴑𐴞𐴤𐴌 

𐴳.𐴴  𐴔𐴡𐴑𐴏𐴟𐴥𐴃𐴢 :

 𐴎𐴞𐴑𐴞𐴤𐴌𐴡𐴌 𐴔𐴡𐴑𐴏𐴟𐴥𐴃𐴢 𐴀𐴡𐴥𐴙𐴓𐴊𐴠 𐴀𐴝𐴓𐴧𐴝𐴇𐴌 𐴋𐴡𐴌 𐴊𐴞𐴘𐴝𐴥𐴕𐴡𐴌 𐴏𐴝𐴣𐴥𐴃𐴠 𐴎𐴞𐴑𐴞𐴤𐴌 𐴒𐴡𐴌𐴡𐴘𐴧𐴝 𐴁𐴡𐴕𐴡𐴀𐴡𐴕. 

 𐴳.𐴵 𐴉𐴡𐴎𐴞𐴓𐴡𐴃𐴢 :

𐴎𐴞𐴑𐴞𐴤𐴌𐴡𐴌 𐴉𐴡𐴥𐴎𐴞𐴓𐴡𐴃𐴢 𐴀𐴡𐴙𐴓𐴊𐴠𐴤 𐴎𐴠𐴇𐴡𐴕𐴡𐴥 𐴑𐴝𐴘𐴧𐴠 𐴎𐴞𐴑𐴞𐴤𐴌 𐴒𐴡𐴌𐴞𐴥 𐴎𐴟𐴁𐴝𐴕𐴡𐴌𐴠𐴥 𐴃𐴡𐴌𐴟𐴃𐴝𐴎𐴝 𐴌𐴝𐴑𐴞𐴁𐴡𐴤، 𐴔𐴡𐴌𐴡𐴕𐴡𐴌 𐴁𐴝𐴊𐴠𐴦 𐴈𐴝𐴣𐴐𐴞  𐴅𐴡𐴕𐴧𐴡𐴃𐴡𐴃𐴢 𐴎𐴝𐴘𐴁𐴡𐴤. 

𐴳.𐴶.  𐴈𐴝𐴤𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝𐴤 :

𐴎𐴞𐴑𐴞𐴤𐴌 𐴈𐴝𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝𐴤 𐴀𐴡𐴙𐴓𐴊𐴠𐴥 𐴌𐴟𐴎𐴝𐴦𐴕𐴝 𐴑𐴟𐴌𐴀𐴝𐴕 𐴐𐴡𐴤𐴌𐴞𐴉𐴢 𐴃𐴠𐴓𐴝𐴖𐴡𐴃𐴢 𐴒𐴡𐴌𐴡𐴀𐴕، 𐴀𐴝𐴣𐴎𐴞𐴕𐴝𐴧 𐴁𐴠𐴀𐴙𐴕𐴧𐴝 𐴃𐴞𐴕 𐴃𐴡𐴏𐴁𐴞𐴌 𐴂𐴝𐴁𐴡𐴕𐴊𐴞 𐴒𐴡𐴌𐴡𐴀𐴡𐴕. 𐴊𐴟𐴖𐴝𐴀𐴠 𐴔𐴡𐴏𐴕𐴟𐴥𐴕𐴡𐴌𐴠 𐴎𐴝𐴒𐴝 𐴁𐴡𐴤𐴎𐴝𐴒𐴝 𐴉𐴡𐴌𐴡𐴀𐴡𐴕، 𐴐𐴤𐴡𐴌𐴞𐴘𐴡𐴃𐴢 𐴔𐴡𐴎𐴞𐴕 𐴏𐴡𐴓𐴠𐴊𐴠 𐴉𐴞𐴌𐴠 𐴁𐴝𐴃𐴝𐴘𐴠𐴊𐴠 𐴀𐴡𐴎𐴞𐴁𐴝𐴤 𐴃𐴝𐴑𐴞𐴓𐴠𐴥 𐴁𐴝𐴃𐴝𐴤 𐴔𐴡𐴎𐴞𐴕 𐴀𐴝𐴊𐴝𐴘 𐴒𐴡𐴌𐴡𐴀𐴕

𐴴. 𐴀𐴠𐴑𐴠𐴌𐴝𐴔𐴠 𐴔𐴟𐴏𐴓𐴞𐴔𐴞𐴕 :

𐴴.𐴱 𐴔𐴡𐴑𐴏𐴟𐴥𐴃𐴢  :

𐴀𐴠𐴑𐴝𐴌𐴝𐴔𐴡𐴌 𐴔𐴡𐴑𐴏𐴟𐴊𐴢 𐴀𐴡𐴙𐴓𐴊𐴠 𐴎𐴠𐴤 𐴇𐴥𐴡𐴕𐴞𐴑𐴝𐴌 𐴑𐴞𐴔𐴡𐴃𐴢 𐴁𐴟𐴎𐴞 𐴑𐴡𐴊𐴡𐴌 𐴒𐴡𐴌𐴡𐴘𐴧𐴝 𐴁𐴡𐴕𐴡𐴥𐴕 .

𐴴.𐴲  𐴉𐴡𐴤𐴎𐴞𐴓𐴡𐴃𐴢 :

𐴀𐴠𐴑𐴠𐴌𐴝𐴔𐴡𐴌 𐴉𐴡𐴥𐴎𐴞𐴓𐴡𐴃𐴢 𐴀𐴡𐴙𐴓𐴊𐴥𐴠 𐴎𐴠 𐴇𐴥𐴡𐴕𐴥𐴡 𐴑𐴞𐴘𐴝𐴥𐴡𐴌 𐴈𐴝𐴥𐴅𐴡𐴃𐴡𐴤𐴌𐴠𐴥 𐴉𐴟𐴌𐴝𐴒𐴡𐴌𐴞𐴥 𐴁𐴡𐴓𐴧𐴝 𐴏𐴡𐴓𐴞 𐴉𐴞𐴌𐴞𐴥 𐴑𐴟𐴐𐴞𐴥𐴐𐴢 𐴒𐴡𐴌𐴞𐴁𐴡𐴤 𐴱𐴰 𐴁𐴡𐴏𐴡𐴌 𐴀𐴠𐴦𐴃𐴠𐴑𐴝𐴤𐴉𐴢 𐴒𐴡𐴙𐴅𐴧𐴠𐴊𐴠  𐴀𐴠𐴊𐴟𐴕 𐴏𐴟𐴖𐴝𐴁𐴢 𐴊𐴞𐴁𐴡𐴤 ، 𐴎𐴡𐴊𐴞 𐴇𐴡𐴥𐴕𐴞𐴑𐴞𐴘𐴠 𐴉𐴟𐴌𐴝𐴥 𐴒𐴡𐴙𐴅𐴧𐴠𐴊𐴠𐴥 𐴀𐴡𐴘𐴓𐴠𐴥 𐴀𐴝𐴓𐴧𐴝𐴇 𐴏𐴟𐴁𐴞𐴈𐴝𐴕𐴝𐴇𐴟𐴥 𐴃𐴦𐴝𐴀𐴝𐴓𐴝 𐴘𐴠𐴥 𐴷𐴳 𐴕𐴝𐴕 𐴇𐴝𐴏𐴝𐴕𐴝𐴥 𐴊𐴞𐴁𐴡𐴤  𐴇𐴞𐴕𐴃𐴟 𐴀𐴠𐴑𐴧𐴝𐴕 𐴓𐴡𐴘 𐴊𐴟𐴕𐴞𐴘𐴝𐴌 𐴔𐴝𐴎𐴠𐴤 𐴑𐴝𐴦𐴉𐴞 𐴀𐴡𐴥𐴘 𐴎𐴝𐴘𐴁𐴡𐴤𐴘 𐴀𐴝𐴌 𐴷𐴲 𐴘𐴝𐴕 𐴀𐴝𐴇𐴞𐴌𐴝𐴃𐴡𐴃𐴢 𐴊𐴞𐴁𐴡𐴓𐴝𐴧 𐴀𐴝𐴓𐴧𐴝𐴘𐴠𐴥 𐴌𐴝𐴑𐴞𐴤 𐴊𐴞𐴁𐴡𐴤

𐴴.𐴳 :𐴈𐴝𐴣𐴏𐴞𐴓 𐴀𐴡𐴕𐴡𐴌 𐴃𐴡𐴌𐴞𐴑𐴝𐴤

𐴀𐴠𐴑𐴠𐴌𐴝𐴔 𐴈𐴝𐴣𐴏𐴞𐴓 𐴀𐴡𐴕𐴡𐴌 𐴃𐴡𐴌𐴞𐴑𐴝𐴤 𐴀𐴡𐴙𐴓𐴊𐴠𐴥 𐴔𐴟𐴏𐴟𐴓𐴔𐴝𐴕𐴡𐴌𐴠𐴥 𐴁𐴠𐴦𐴐𐴢 𐴁𐴠𐴦𐴐𐴢 𐴑𐴠𐴃𐴔𐴡𐴃𐴢 𐴒𐴡𐴌𐴡𐴥𐴕 𐴀𐴟𐴓𐴝𐴔𐴝𐴥 𐴀𐴠𐴑𐴠𐴌𐴝𐴔𐴡𐴌𐴠  𐴑𐴡𐴊𐴡𐴌 𐴒𐴡𐴌𐴡𐴥𐴕 𐴁𐴡𐴌𐴡𐴌𐴠 𐴀𐴞𐴎𐴡𐴧𐴃𐴢 𐴒𐴡𐴌𐴡𐴥𐴕 𐴐𐴡𐴍𐴡𐴤𐴌𐴠 𐴌𐴝𐴇𐴝𐴥𐴔 𐴒𐴡𐴌𐴡𐴥𐴕 𐴔𐴡𐴈𐴡𐴓𐴟𐴑𐴡𐴌 𐴈𐴡𐴥𐴑 𐴀𐴝𐴊𐴝𐴘 𐴒𐴡𐴌𐴡𐴥𐴕 𐴔𐴦𐴝𐴣 𐴁𐴦𐴝𐴉𐴡𐴌 𐴉𐴡𐴌𐴔𐴝𐴊𐴝𐴌𐴞 𐴒𐴡𐴌𐴡𐴥𐴕

𐴵.𐴀𐴠𐴈𐴠𐴥𐴓𐴝𐴏𐴢 𐴕𐴞𐴘𐴡𐴃𐴢 :

𐴵.𐴱  𐴔𐴡𐴑𐴏𐴟𐴥𐴃𐴢:

𐴈𐴝𐴀𐴌 𐴕𐴠𐴑𐴇𐴝𐴢 𐴀𐴝𐴓𐴧𐴝𐴇𐴌𐴠𐴥 𐴌𐴝𐴎𐴞𐴤 𐴒𐴡𐴌𐴞𐴥 𐴁𐴝𐴌 𐴕𐴞𐴘𐴡𐴃𐴠 𐴒𐴡𐴌𐴡𐴥𐴕 

𐴵.𐴲 𐴉𐴡𐴤𐴎𐴞𐴓𐴡𐴃𐴢:

𐴀𐴠𐴈𐴠𐴥𐴓𐴝𐴏𐴡𐴌 𐴉𐴡𐴤𐴎𐴞𐴓𐴡𐴃𐴢 𐴀𐴡𐴙𐴓𐴊𐴠𐴥  𐴀𐴝𐴓𐴧𐴝𐴇𐴌𐴠 𐴌𐴝𐴎𐴞𐴤 𐴒𐴡𐴌𐴞𐴥𐴁𐴝𐴌 𐴕𐴞𐴘𐴡𐴃𐴠𐴤 𐴐𐴡𐴣𐴍𐴡𐴃𐴟𐴧 𐴐𐴡𐴣𐴍𐴡𐴤 𐴀𐴝𐴔𐴡𐴥𐴓 𐴒𐴡𐴌𐴞𐴁𐴡𐴤  𐴀𐴝𐴓𐴧𐴝𐴘𐴠 𐴁𐴡𐴌𐴡𐴥 𐴁𐴡𐴌𐴡𐴥 𐴀𐴝𐴅𐴡𐴤𐴌 𐴊𐴞𐴁𐴡𐴤

𐴵.𐴳  𐴈𐴝𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 : 

𐴀𐴠𐴈𐴠𐴓𐴝𐴏𐴢 𐴈𐴝𐴤𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 𐴀𐴡𐴙𐴓𐴊𐴠 𐴈𐴝𐴀𐴌 𐴕𐴠𐴑𐴇𐴝𐴔 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠𐴤 𐴒𐴡𐴌𐴡𐴥𐴕 𐴒𐴡𐴙𐴃𐴧𐴠 𐴋𐴡𐴌𐴝𐴘 𐴋𐴡𐴌𐴝𐴘 𐴒𐴡𐴌𐴡𐴥𐴕 𐴒𐴡𐴙𐴅𐴧𐴝𐴤 𐴀𐴡𐴘𐴓𐴠𐴥 𐴇𐴝𐴌 𐴈𐴝𐴔𐴥𐴡𐴌 𐴉𐴞𐴏𐴠𐴥 𐴀𐴠𐴏𐴃𐴠𐴑𐴉𐴝𐴌 𐴉𐴡𐴌𐴡𐴀𐴕

𐴶. 𐴊𐴝𐴦𐴖𐴡𐴃𐴢 :

𐴶.𐴱 𐴔𐴡𐴑𐴏𐴟𐴃𐴢:

𐴊𐴝𐴦𐴖𐴡𐴃𐴡𐴌 𐴔𐴡𐴑𐴏𐴟𐴥𐴃𐴢 𐴀𐴡𐴙𐴓𐴊𐴠𐴥 𐴇𐴟𐴥𐴎𐴟𐴌 𐴉𐴝𐴑 (𐴏𐴢)𐴀𐴝𐴈𐴞𐴥𐴌𐴞 𐴕𐴡𐴁𐴞 𐴀𐴝𐴌 𐴕𐴡𐴁𐴞 𐴕𐴟𐴀𐴝𐴘𐴁𐴡𐴤𐴊𐴠 𐴀𐴞𐴘𐴝𐴕𐴡𐴓𐴧𐴝 𐴊𐴝𐴦𐴖𐴡𐴃𐴡𐴌 𐴎𐴞𐴔𐴧𐴝𐴊𐴝𐴌𐴞 𐴉𐴟𐴌𐴝𐴀 𐴀𐴟𐴔𐴧𐴡𐴃𐴡𐴌𐴠𐴥 𐴒𐴡𐴏𐴝𐴥𐴘 𐴊𐴞𐴘𐴠𐴧

𐴶.𐴲 𐴉𐴡𐴤𐴎𐴞𐴓𐴡𐴃𐴢 :

𐴊𐴝𐴦𐴖𐴡𐴃𐴡𐴌 𐴉𐴡𐴤𐴎𐴞𐴓𐴡𐴃𐴢 𐴀𐴡𐴙𐴓𐴊𐴠𐴥 𐴊𐴝𐴦𐴖𐴡𐴃𐴡𐴌 𐴔𐴠𐴀𐴠𐴕𐴡𐴧𐴃𐴡𐴌  𐴊𐴟𐴖𐴝𐴌𐴝 𐴎𐴠𐴊𐴟𐴀𐴕 𐴔𐴝𐴕𐴟𐴙𐴐𐴢 𐴊𐴞𐴥𐴕 𐴔𐴡𐴎𐴞𐴕 𐴏𐴡𐴓𐴡𐴦𐴘𐴧𐴝 𐴁𐴡𐴕𐴞𐴁𐴡𐴤  𐴀𐴠𐴥 𐴏𐴟𐴖𐴝𐴁𐴢 𐴒𐴞𐴀𐴥𐴞𐴕 𐴊𐴝𐴘𐴞𐴧 𐴀𐴡𐴑𐴡𐴧𐴓𐴠𐴘𐴡𐴥 𐴉𐴝𐴘𐴁𐴡𐴤.𐴀𐴟𐴃𐴝𐴌𐴝𐴃𐴟𐴘𐴡 𐴈𐴡𐴥𐴔 𐴕𐴡𐴥 𐴀𐴡𐴘𐴁𐴡𐴤 

𐴶.𐴳 𐴈𐴝𐴤𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 :

𐴊𐴝𐴦𐴖𐴡𐴃𐴢 𐴈𐴝𐴣𐴏𐴠𐴓 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝 𐴀𐴡𐴙𐴓𐴊𐴠𐴥 𐴃𐴡𐴌𐴝𐴥 𐴃𐴟𐴌𐴞𐴃𐴟𐴧 𐴃𐴡𐴌𐴝𐴃𐴟𐴌𐴞 𐴔𐴠𐴇𐴠𐴕𐴧𐴡𐴃𐴢 𐴔𐴟𐴅𐴝𐴈𐴠𐴥𐴊𐴝𐴌 𐴑𐴟𐴌𐴁𐴝𐴕𐴞 𐴏𐴝𐴣𐴀𐴃𐴠 𐴃𐴞𐴕 𐴐𐴞𐴓𐴧𐴝 𐴏𐴝𐴙𐴌 𐴔𐴝𐴥𐴐𐴢 𐴀𐴝𐴓𐴧𐴝𐴇𐴌      𐴌𐴝𐴏𐴃𐴝𐴃𐴢 𐴕𐴠𐴦𐴓𐴞 𐴏𐴝𐴙𐴌 𐴓𐴝𐴘𐴕𐴠 𐴔𐴠𐴈𐴠𐴕𐴧𐴡𐴃𐴢 𐴒𐴡𐴌𐴡𐴥𐴕. 𐴏𐴝𐴙𐴌 𐴓𐴝𐴙𐴕 𐴑𐴞𐴁𐴡𐴓𐴞𐴥 𐴇𐴡𐴘𐴓𐴠𐴤 𐴊𐴝𐴦𐴖𐴡𐴃𐴢، 𐴃𐴝𐴦𐴓𐴞𐴔𐴢، 𐴎𐴟𐴔𐴓𐴝𐴥 𐴀𐴠𐴁𐴝𐴦𐴊𐴡𐴃𐴢، 𐴑𐴠𐴥𐴊𐴔𐴡𐴃𐴢. 𐴏𐴝𐴙𐴌 𐴓𐴝𐴘𐴕𐴠𐴥 𐴔𐴠𐴈𐴠𐴕𐴡𐴧𐴃𐴢  𐴒𐴡𐴙𐴓𐴧𐴠 𐴕𐴞𐴎𐴡𐴌 𐴁𐴟𐴤𐴃𐴡𐴌𐴠 𐴏𐴡𐴥𐴖𐴝𐴧𐴕 𐴏𐴞𐴦𐴉𐴡𐴃𐴢 𐴉𐴡𐴦𐴘𐴊𐴝 𐴀𐴡𐴥𐴘𐴁𐴡. 𐴀𐴠𐴥 𐴏𐴡𐴥𐴖𐴝𐴧𐴕 𐴏𐴞𐴦𐴉𐴡𐴃𐴢  𐴁𐴝𐴏𐴞 𐴃𐴝𐴑𐴞𐴁𐴡𐴓𐴧𐴝 𐴔𐴟𐴌𐴟𐴁𐴧𐴞 𐴀𐴡𐴥𐴑𐴧𐴡𐴓𐴡𐴌 𐴔𐴡𐴐𐴟𐴖𐴝𐴌𐴝 𐴓𐴡𐴘 𐴁𐴡𐴏𐴡𐴥𐴌 𐴁𐴡𐴏𐴡𐴥𐴌 𐴕𐴠𐴏𐴝𐴁𐴞 𐴏𐴞𐴓𐴧𐴝 𐴓𐴝𐴒𐴝𐴘  𐴕𐴞𐴎𐴡𐴌 𐴔𐴝𐴀𐴝𐴊𐴝𐴃𐴢 𐴉𐴝𐴣𐴏𐴢 𐴇𐴝𐴔𐴡𐴃𐴢 𐴅𐴟𐴍𐴞𐴤 𐴃𐴝𐴤𐴑𐴡𐴀𐴡𐴕. 𐴔𐴝𐴐𐴢 𐴁𐴞𐴌𐴞 𐴀𐴠𐴑𐴧𐴝𐴤𐴕 𐴈𐴝𐴔 𐴐𐴝𐴥𐴉𐴃𐴝 𐴔𐴡𐴑𐴡𐴌𐴡𐴓 𐴒𐴡𐴌𐴞𐴤 (𐴷𐴲)𐴒𐴡𐴕𐴋𐴝𐴤 𐴀𐴝𐴓𐴧𐴝𐴇𐴌 𐴌𐴝𐴏𐴃𐴝𐴃𐴢 𐴕𐴞𐴘𐴡𐴓𐴡𐴕. 𐴐𐴝𐴥𐴉𐴃𐴝𐴘𐴠 𐴀𐴠𐴑𐴧𐴝𐴤𐴕 𐴈𐴝𐴔. 𐴕𐴞𐴎𐴡𐴌 𐴔𐴝𐴓𐴊𐴝𐴃𐴢 𐴀𐴟𐴒𐴧𐴗𐴢𐴤 𐴒𐴡𐴐𐴄𐴡𐴤 𐴀𐴡𐴙𐴕𐴡𐴧 𐴔𐴝𐴓𐴊𐴝𐴃𐴢 𐴀𐴟𐴒𐴧𐴗𐴝𐴤 𐴒𐴡𐴐𐴄𐴡𐴤. 𐴌𐴟𐴎𐴝𐴦𐴕𐴝 𐴃𐴞𐴕𐴧𐴝𐴥𐴕 𐴈𐴝𐴔،𐴊𐴝𐴖𐴡𐴃𐴢 𐴃𐴝𐴓𐴞𐴔 𐴀𐴠𐴏𐴃𐴠𐴑𐴁𐴝𐴓𐴡𐴌 𐴐𐴡𐴑𐴡𐴤𐴓𐴠𐴥 (𐴲.𐴵) 𐴒𐴡𐴕𐴋𐴝𐴤 𐴔𐴠𐴈𐴠𐴕𐴡𐴧𐴃𐴢  𐴒𐴡𐴌𐴡𐴥𐴕. 𐴀𐴟𐴔𐴧𐴡𐴃𐴡𐴌 𐴁𐴝𐴤𐴉𐴝 𐴏𐴞𐴥𐴕𐴃𐴝 𐴒𐴡𐴌𐴡𐴥𐴕. 𐴔𐴡𐴏𐴡𐴥𐴘𐴃𐴡𐴌 𐴃𐴝𐴦𐴓𐴞𐴔 𐴒𐴡𐴤𐴌𐴡𐴃𐴢 𐴎𐴝𐴌𐴞 𐴌𐴝𐴑𐴡𐴀𐴡𐴥𐴕. 𐴀𐴝𐴘𐴧𐴠𐴊𐴧𐴠 𐴅𐴡𐴔𐴝𐴀𐴃𐴡𐴌 𐴕𐴡𐴏𐴟𐴤𐴌𐴡𐴃𐴢 𐴒𐴡𐴌𐴡𐴥𐴕 𐴎𐴡𐴌𐴒𐴡𐴘𐴊𐴠𐴥 𐴅𐴦𐴡𐴔𐴝𐴀𐴝𐴃𐴡𐴌 𐴈𐴡𐴁𐴡𐴤𐴌 𐴒𐴞𐴤𐴌𐴞 𐴒𐴡𐴌𐴡𐴥𐴕. 𐴅𐴟𐴄𐴢 𐴀𐴠𐴏𐴃𐴡𐴔𐴝𐴥𐴃𐴢 𐴈𐴝𐴤𐴎𐴞𐴌 𐴀𐴡𐴦𐴕 𐴀𐴠𐴓𐴠𐴑𐴝𐴌 𐴔𐴡𐴌𐴑𐴡𐴏𐴡𐴃𐴢 𐴔𐴝𐴎𐴠𐴤 𐴐𐴡𐴁𐴒𐴟𐴤𐴎𐴝𐴌𐴞 𐴒𐴡𐴌𐴡𐴥𐴕 𐴀𐴞𐴕𐴐𐴝𐴤 𐴀𐴝𐴓𐴧𐴝𐴇 𐴀𐴠𐴕𐴠𐴉𐴡𐴌 𐴖𐴡𐴌𐴠 𐴃𐴝𐴤𐴑𐴞𐴁𐴡𐴓𐴧𐴝 𐴔𐴡𐴃𐴟𐴧𐴕 𐴀𐴡𐴥 𐴉𐴝𐴑𐴝𐴧  𐴉𐴝𐴑𐴞𐴧  𐴀𐴠𐴌𐴝𐴊𐴝𐴚 𐴀𐴞𐴕𐴐𐴝𐴤 𐴀𐴝𐴓𐴝𐴧 𐴀𐴡𐴦𐴕𐴡𐴌𐴝𐴘𐴡𐴥 𐴀𐴠𐴌𐴝𐴊𐴝 𐴒𐴡𐴌𐴡𐴥